August 2019 - www.ynker.am

Home 2019 August

Բարեկեցիկ ու ապահով կյանքը

August 19, 2019

Մենք անպայման մեր քայլը պիտի անենք

August 19, 2019

Բանասաց

Ընկերությունը եթե խզվում է,
ապա խզվում է մի ժամում`
ցավով պոկել-տանելով
մսի մի կտոր: Ֆրենսիս Սքոթ Ֆիցջերալդ

Իսկական ընկեր համարիր այն մարդուն,
ով քո ճանապարհից հավաքում է
քարերն ու փշերը: Արևելյան իմաստություն

Ընկերություն տալ նրան,
ով քեզնից սեր է տենչում,
նույնն է,
թե հաց տաս ծարավ մարդուն:
Իսպանական ասացվածք

Ով անգութ խաբեբա դու քաղցրալեզու,
Այդ ո՞ւր ես հեռացել, արի օգնության,
Չէ՞ կասեիր` ընկեր մնանք ես ու դու,
Ինչու՞ ես մոռացել, արի օգնության:
Մահուբի Գևորգ

Ընկերներին կարելի է բաժանել երկու խմբի: Առաջինները մեկ հայտնվում, մեկ անհետանում են ձեր շրջապատից: Նրանցից մի մասին դուք հիշում եք, իսկ մյուսին` մոռանում: Սակայն գոյություն ունեն սակավաթիվ <<ընտրյալներ>>, ում հետ ձեզ կապում է իրական կապվածությունը: Այդ ընկերները մնում են ընդմիշտ և, եթե հանգամանքները թույլ են տալիս, ուղեկցում են ձեզ ողջ կյանքի ընթացքում:
Ագաթա Քրիստի

Սիրեցե՛ք միմյանց Եվ ոչ ոքի պարտապան մի մնացեք, բացի միմյանց սիրելուց, քանի որ, ով սիրում է ընկերոջը, կատարում է օրենքը` մի շնացիրը, մի սպանիրը, մի գողացիրը, սուտ մի վկայիրը և մի ցանկացիրը: Եվ ուրիշ ինչ պատվիրան էլ որ կա, այն խոսքի մեջ է բովանդակում, թե` սիրի՛ր քո ընկերոջը, ինչպես քո անձը, սերն իր ընկերոջը չար բան չի անի, սերն է օրենքի լրումը:
Հռոմ. ԺԳ. 8-10

Ընկերությունը եթե խզվում է, ապա խզվում է մի ժամում` ցավով պոկել-տանելով մսի մի կտոր:
Ֆրենսիս Սքոթ Ֆիցջերալդ

Մեն-միայնակ ողբ եմ ասում, Հալալ-զուլալ ընկեր փնտրում, Լավ ընկերը մարդու կյանքում Վշտին աղոթք-սպեղանի է:
Սայաթ-Նովա

Ով հայրեր, ով պապեր, այս գավաթը խմում եմ, բայց առանց նվիրելու ձեր ոսկորներին: Եթե դուք այս վանքերի տեղը, որոնցով լիքն է մեր երկիրը, բերդեր շինեիք, եթե դուք սուրբ խաչերի և անոթների փոխարեն, որ սպառեցին մեր հարստությունը, զենքեր գնեիք, եթե դուք ձեր անուշահոտությանց տեղ, որ խնկվում են մեր տաճարներում, վառոդ ծխեիք, այժմ մեր երկիրը բախտավոր կլիներ: Մեր երկիրը չէին քանդի, մեր որդիքը չէին կոտորի և մեր կանանց չէին հափշտակի…
Րաֆֆի

Մենք վրեժ ունենք լուծելու: Վրեժի լավագույն ճանապարհը բարեկեցիկ երկիր կառուցելն է թուրքի քթի տակ` բարոյապես ուժեղ, կեղտից ու աղբից մաքրված, որպեսզի հայը ոչ թե արտագաղթի, այլ ուզենա հայրենիք վերադառնալ: Եթե այս գիտակցությունը գերիշխի մեզանում, դառնա միասնական կամք, մենք մեր վրեժը լուծած կլինենք գոնե մասամբ… Անկախությունը բացարձակ արժեք է յուրաքանչյուր ազգի համար, սակարկության ենթակա չէ, չի կարելի անկախությանը, պետականությանը դեմ խոսել, վիճել անկախության շուրջ, ամոթ է… Գրականության մեջ և կյանքում առհասարակ ես ունեմ մի սկզբունք` սիրել հայրենիքն այնպես, ինչպես այն կա: Հայրենիքը պետք է սիրել, սիրել բաց աչքերով:
Պերճ Զեյթունցյան

Ընկերությունն ամեն ինչ է: Ընկերությունը բարձր է տաղանդից: Ուժեղ է յուրաքանչյուր կառավարությունից: Ընկերությունը նշանակում է մի փոքր ավելի քիչ, քան ընտանիքը: Երբեք չմոռանաք դա:
Դոն Վիտո Կորլեոնե Կյանքի դասեր` Կոնֆուցիոսից
Ձեր ընկերները կարևոր են <<Երբեք ընկերություն մի արեք մարդու հետ, ով ձեզնից լավը չէ>>: Այս պատգամը նշանակում է, որ ընկերները կանխագուշակում են ձեր ապագան: Դուք շարժվում եք այնտեղ, որտեղ արդեն նրանք գտնվում են: Ուստի շրջապատեք ձեզ այնպիսի ընկերներով, ովքեր շարժվում են այն ուղով, որը կընտրեիք դուք:

Մի՛ տրտնջա ցավիդ համար-սիրո առատ աղբյուր է նա,
Մի՛ ափսոսա մեղքիդ համար-սիրտը մաքրող սուրբ հուր է նա.
Թե սերն անցնի` մի՛ մորմոքա-կըմնա հուշ-մաքուր է նա,
Սիրտըդ թող միշտ խնդա կամ լա-մահ է մթին` երբ լուռ է նա:
Վահան Տերյան
Պահիր ընկերներիդ քեզ հնարավորինս մոտ, իսկ թշնամիներիդ` է՞լ ավելի մոտ:
Նիկոլո Մաքիավելի
Ընկերոջը, բարեկամին պատմած վիշտը կիսվում է, թեթևանում: Ես նրա համար եմ այսքան տանջվում, որովհետև ընկեր չունեմ:
Ավետիք Իսահակյան

Կան ընկերներ, որ նման են սննդի` նրանց կարիքն զգում ես ամեն օր:

Կան ընկերներ, որ նման են դեղի` փնտրում ես նրանց, երբ քեզ վատ ես զգում:

Կան ընկերներ, որ նման են հիվանդության` իրենք են քեզ փնտրում:

Սակայն կան ընկերներ, որ նման են օդի` չեն երևում, բայց միշտ քեզ հետ են…

Ով լավ ընկեր է, նա էլ լավ ընկերներ ունի:

Ընկերովի մահն էլ ուրախություն է:

Քրդական առած

Ընկերոջ ապտակն ավելի լավ է, քան թշնամու համբույրը:

Եթովպական առած

Երջանկությունից ավելի բարձր է ընկերը, նա է այն ստեղծում,
Բաշխելով իսկ, նա այն բազմացնում է:

Շիլլեր

Եկ, սիրելի ընկերս, զվարճության ներկա լինինք,

Բավական է տխրության մեծավորին ծառա լինինք,

Բագոսի աղջիկները տես, մեկը դու առ, մեկը ես,

Աշխարհի ուրախության հեղինակին փեսա լինինք:

Ջիվանի

Մարդ մենակ է միայն` հեռու աշխարհում այն,
Իսկ այստեղ մեն-մենակ նա ապրել չի կարող,
Դե, ուրեմն, խմենք կենացն ընկերության:-
Ոչ ոք լավ ընկերներին հաղթել չի՛ կարող…

Արամայիս Սահակյան

Ընկերները պետք է ջանք թափեն ոչ թե միմյանց թերությունները բացահայտել, այլ թերությունը տեսանելի դարձնել միայն դիմացինի համար:

Լառոշֆուկո

Ընկերությունը եղբայրություն է և իր ամենավսեմ նշանակությամբ` նրա գեղեցկագույն գաղափարատիպը:

Պելիկո

Ինչ կամենաս քու ընկերիդ,
Նա քու գլխիդ կկատարվի,
Թե չար, թե բարի, պատկերիդ
Վերա անշուշտ կնկարվի:

Ջիվանի

Հայրենապաշտպան դաստիարակություն` ահա մեր փրկության խարիսխը:
Նժդեհ

Ծիծաղել հաճախ և շատ, վաստակել մտածող մարդկանց հարգանքն ու երեխաների համակրանքը, արժանանալ արդար քննադատների գնահատանքին և հանդուրժել կեղծ ընկերների դավաճանությունը, արժևորել գեղեցիկը, գտնել լավագույնը ուրիշների մեջ, քեզնից հետո աշխարհը թողնել փոքր-ինչ ավելի լավը` առնվազն մեկ առողջ երեխայով, մեկ պտղատու այգիով կամ շտկված որևէ սոցիալական իրավիճակով, իմանալ, որ քո ապրելը թեթևացրել է գեթ մեկ մարդու շնչառությունը: Այս ամենը նշանակում է` հաջողություն:
Էմերսոն

Ընկերությունը պետք է լինի անսահմանորեն ավելի հանդուրժող, քան սերը:
Ժանլիս

Լայն օրերուս ուրախացող, կեղծ ընկեր,
Այժմ նեղն եմ ընկել, արի, ո՞ւրտեղ ես…
Ջիվանի

Կյանքդ նվիրես ընկերի լավին, քիչ է դարձյալ,
Այնպես է հոգեկան լուսատու լապտերը մարդուն.
Ընկեր եմ ասում, հաստատակամ, ճշմարիտ ընկեր,
Որ բարձրացնե աստիճանը միշտ վերը մարդուն:
Ջիվանի

Եթե բախտը առանձնապես բարեհաճ է մարդու նկատմամբ և ուզում է շնորհել նրան աշխարհում մեծագույն երջանկությունը, նրան հավատարիմ ընկերներ է տալիս:
Թելման

Տիրոջ և ստրուկի միջև ընկերություն չի կարող լինել:
Կուրցիոս

Ընկերոջն ազնիվ անազնվության
դարձնելու տարբեր եղանակներ կան.
Ուժը` վախի, թույնը` գայթակղության,
Ցանցը` չար շողոքորթության:
Ադամ Միցկևիչ

Որպես մանկության օրերում լսած
Մի քաղցր զրույց հիշում եմ նորից
Մեր ընկերական կյանքը սրտաբաց,
Երբ լուսեղեն էր և խինդ, և թախիծ…
Վահան Տերյան

Ընկերությունը դրամագլուխ է, տոկոսները որի երբեք չեն կորչում:
Իոհանե Գեորգ Համան

Ով ինքը լավ ընկեր է, նա էլ լավ ընկերներ ունի:
Մաքիավելի

Քայլ առ քայլը առևտրի օրենքն է սակայն ոչ ընկերության: Առևտուրը ընկերություն չի ճանաչում, բայց և ընկերության մեջ չպետք Է առևտուր լինի:
Լեսինգ

Թանկ է ընկերն ինձ համար, սակայն և թշնամին կարող է լինել օգտակար, ընկերը ցույց կտա, թե ինչի եմ ես ընդունակ, իսկ թշնամին կսովորեցնի` ինչպես վարվել:
Շիլլեր

Նոր մատենաշար` Ընկեր

Օրակարգ

Ընկերն ու ընկերությունն, ինչպես ասել ենք ու պիտի մշտապես հպարտորեն բարձրաձայնենք, արժեք են, մեծ ու բարձր արժեք: Եվ ահա, արժանին մատուցելով այդ արժեքներին և շարունակաբար դրանք առավելագույնս կարևորելու նոր ու բազմազան ուղիներ որոնելով, ցանկանում ենք հիմք դնել, մեր համոզմամբ, հրաշալի ու անհրաժեշտ մի նախաձեռնության:

Խոսքը, սիրելի՛ ընթերցող, թերթի խմբագրության կողմից <<Ընկեր>> անունով մատենաշար ստեղծելու և այդ մատենաշարով գրքեր հրատարակելու մտահղացման, գաղափարի մասին է: Մենք այս տարիների ընթացքում բարեպատեհ առիթներ ենք ունեցել հանդիպելու շատ լավ ընկերների, ընկերական սիրո, հավատարմության ու միասնության լավագույն դրսևորումների փայլուն օրինակների: Թերթի էջերում հնարավորինս անդրադարձել ենք դրանց, բայց պարզ ու հասկանալի է, որ թերթային, լրագրային ձևատեսակը, ցավոք, սահմանափակ հնարավորություններ ունի և, ըստ էության, ի վիճակի չէ լիարժեք, պատշաճորեն ընդգրկելու ընկերների մասին մեր ունեցած պատմությունները, խոհերն ու դիտարկումներն ամբողջությամբ, առանց սեղմ ու կրճատ տարբերակների:

Ուստի և, մատենաշարի հիմնադրումով նպատակ ունենք լրացնել այդ բացը, առանձին գրքեր հրատարակելով պատմության սեփականությունը դարձնել ընկերների ու ընկերության մասին իրապատում վավերագրեր, հիշողություններ ու խորհրդածություններ: Մեր նպատակն ազնիվ ու առաքինի է` գնահատանքի խոսք հնչեցնել արժանավորների, հատկապես այն անձանց, ընկերների հասցեին, ովքեր անժամանակ հեռացել են կյանքից, նրանց օրինակն ի ցույց դնել` նպաստելու եկող սերունդների հայեցի դաստիարակության, մարդկային նկարագիրն անաղարտ պահելու վեհ ու շնորհակալ գործին: Հրատարակել նրանցից մնացած գրավոր, փաստացի վկայությունները, հիշատակություններն ու իրենց հիշատակը վառ պահող գրերը:

Մեզ մնում է հավելել` ձեզ տեսնենք, ընկերներ, միացեք մեր նախաձեռնությանը և ձեր մասնակցությունը բերեք այս հայրենանվեր ու մարդասիրական նախաձեռնութունը կյանքի կոչելու գործին…

<<Ընկեր>> թերթի խմբագրություն

M	T	W	T	F	S	S
« May				Sep »
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Monthly Archives: August 2019

Բարեկեցիկ ու ապահով կյանքը

Մենք անպայման մեր քայլը պիտի անենք

Ամենաընթերցվածները